Lanka Robotic

Google Cardboard - ස්මාට් ෆෝන් එකෙන් 3D බලමු

By Anushka Pro | Published Saturday, February 14, 2015

කාලෙකට පස්සේ බ්ලොග් එකට ලියන්න හිතුනේ Gooleලගේ අලුත්ම වැඩක් ගැන. මේකට කියන්න google cardboard කියල. ''සරල, විනෝදාත්මක, අඩුවියදම් ත්‍රිමාණ සජීවිකරණ අත්දැකීමක්'' කියන අර්ථ දැක්වීම තමය googleල මේකට දීල තියෙන්නේ.

කාඩ්බෝඩ් පෙට්ටියක් ඇතුලේ දාපු කාච දෙකකින් ස්මාට් එකෙන් 3D බලන්න පුළුවන් අලුත්ම වැඩක්. ගිය අව්රුද්දෙ අග තමා මේ තාක්ෂනය එලියට අවේ. ඉතින් උණු උණුවෙම මේ ගජ්ජෙට් එක ගෙදරදීම හදන හැටි කියල දෙන්න තම මේ ලිපිය ලියන්නේ.

මේ තියෙන්නේ මේක වැඩ කරන ෆෝන් ලැයිස්තුව

Google Nexus 4,5 and 6
Motorola Moto X
Samsung Galaxy S4 and S5
Samsung Galaxy Nexus
Apple iPhone 4, 4S, 5, 5C + 5S
HTC Eco 3D, One (Mini, S, X, X+), Sensation, Sensation XE, Velocity 4G
Huawei Ascend G 615 + P1
iOcean X7
LG G2, Optimus 3D Max (P720), Optimus 4X HD (P880), Optimus G (E975), Optimus G Pro + P940 S
Sony Xperia S, SP, T + Z1

මේ ලිස්ට් එක අන්තර්ජාලයෙන් හොයාගත්තේ අගල් 5ක තිරයක් හොද resolution තියන වේගවත් ඕනේ ෆෝන් එකක් එක්ක මේක වැඩ කරයි කියල හිතනවා

මෙන්න බඩු ලිස්ට් එක-

හොද කාඩ්බෝඩ් එකක් වර්ග අඩි 1 1/2 ( ඝනකම වැඩි කාඩ්බෝඩ් එකක් ගන්න එපා, මම ගත්තේ Pizza box එකක් එකේ ඝනකම 2.3mm වගේ )
අත් කාච 2ක් (එක සමාන පොඩි කාච දෙකක්)

මුලික පියවර -

මුලින්ම www.google.com/get/cardboard/get-cardboard ගිහින් මේ සැලැස්ම බාගන්න.

බාගත්ත ෆයිල් එක ඇතුලේ තියන PDF එක A4 වල ප්‍රින්ට් කරගන්න. දැන් ඒ ප්‍රින්ට් කරපු කොළ ටික කාඩ්බෝඩ් එකේ පරිස්සමට අලවගන්න.

මෙන්න මෙතැන තමා ටිකක් අමාරු වැඩටික තියෙන්නේ. කලින් අපි ගත්තේ අපිට ලේසියෙන් හොයාගන්න පුළුවන් කාච 2ක් නේ, ඒ උනාට ඇත්තටම මේ වැඩේට ඕන වෙන්නේ 45mm නාභිදුර තියන කාච 2ක් :D එහෙම කාචදෙකක් ලේසියෙන් හොයාගන්න බැරි නිසා අපි අපේ කාච වලට ගැලපෙන විදියට මේ පෙට්ටියේ පොඩි වෙනස්කම් ටිකක් කරගමු.

මෙන්න මේ සැකැස්මට ගැලපෙන විදියට තම අපි අපේ පොට්ටිය හදාගන්න ඕනේ. ඒ කියන්නේ අපේ කාච වල නාභිදුරට ගැලපෙන්න අපේ ෆෝන් එක තියන දුර වෙනස් කරගනන් ඕනේ. Google එකෙන් අපි ගත්ත සැලැස්මට අනුව නම් ඒ කියන්නේ 45mm නාභිදුර තියන කාච 2ක් ගත්තොත් 43mm දුරකින් ෆෝන් එක තියන්න ඕනේ මේක වැඩ කරන්න.

මේ තියෙන්නේ සාමාන්‍ය google cardboard box එකක් ඒ කියන්නේ 45mm නාභිදුර තියන කාච 2කින් හදපු එකක්. මෙතන පෙන්නලා තියනවා සාමාන්‍ය විදියට කාචවල සහ ෆෝන් එක අතර දුර කොහොමද කියලා, බොහෝවිට අපිට මිට වැඩිය වැඩි දුරක් ඕනේවෙයි පැහැදිලිව පෙන්නනම්.(මොකද මේකට පහසුවෙම්ම හොයගන්න වෙන්නේ අත්කාච 2ක්, ලංකාවේ මෙච්චර පොඩි අත්කාච හරිම දුර්ලබයි.)

අපි බලමු කොමද මේ නිවැරදි දුර හොයාගන්නේ කියලා

මුලිම්ම Google Play Store එකට ගිහින් official google cardboard app එක හෝ වෙන google cardboard game එකක් බාගන්න. official google cardboard app එකේ 150MB වගේ තියනවා ඒ නිසා wifi connection එකක් පාවිච්චි කරලා බාගන්න.
දැන් ඒ app එකක් ON කරලා කාච දෙක ඇහැ ලගට කරලා පැහැදිලිව පෙනකම් ෆෝන් එක ඈත්කරන්න. මේ වැඩේ පරිස්සමෙන් කරලා හරියටම කාච දෙක සහ ෆෝන් එක අතර දුර මැනගන්න. මං පාවිච්චි කරපු කාච වලට අනුව නම් 101mmක පරතරයක්ඇති උනා. (මේ ගන්න පරතරය 125mm කට වැඩිය වැඩි උනොත් නම් ගජ්ජෙට් එකේ පැහැදිලිබව ටිකක් අඩුවෙයි. )

හරි, දැන් අපි ගත්ත මිමි වලට අනුව අර කලින් ප්‍රින්ට් කරලා අලවගත්ත සැලැස්ම ටිකක් වෙනස් කරගන්න වෙනවා.

අපිට අවශ්‍ය ගානට බ්ලොක් එකේ දිග වෙනස් කරගත්තට පස්සේ, මේ කලි වෙන වෙනම කපල එකට එකතු කරන්න. වැඩේ අමාරු නම් Youtube වීඩියෝ එකක් උදව් කරගන්න.

1 Comment

DC Motor Controling Board එකක් සැදීම (L298N)

By Lakshan | Published Saturday, July 19, 2014

හැදින්වීම -

රොබෝ තාක්ෂණයේ මෝටර් වල ක්‍රියාකාරිත්ව ඉගෙනීමේදී අප විසින් දැනගත යුතු ප්‍රධාන කරුණ නම් මෝටර් ධාවනය කිරීම ප්‍රධාන Micro controller IC එකට තනිව කිරීමට අපහසු බවයි.එනම් අප විසින් සාමාන්‍යයෙන් IC එකක් හරහා ලබාදෙන විධාන මෝටර් ධාවනයට ප්‍රමාණවත් නොවීමයි. මොටරයක ප්‍රධාන අරමුණ දෙපසට ධාවනය කිරීම සාමාන්‍ය IC විධාන (IC commands) මගින් සිදු කල නොහැක. ඒ සදහා විශේෂිත වූ වෙනත් පරිපථයක් අප විසින් නිර්මාණය කරගත යුතුයි . මෙම ලිපිය මගින් එවැනි පරිපථයක් නිර්මාණය කිරීමට බලමු.

පළමුව මේ සදහා යොදාගන්නා තාක්ෂණ (Technology) පිලිබදව විමසා බලමු.මුලිකවම මෙය “H Bridge” ලෙස හදුන්වන අතර එමගින් ඉතා පහසුවෙන් IC විධානාවලට අනුරූපව මෝටරය දෙපසට ධාවනය කිරීම කල හැක.

H Bridge යනු කුමක්ද ?

H Bridge හෙවත් full Bridge ඉතාමත් සරල තාක්ෂණයකි. එහෙ පරිපථය H හැඩති වීම නිසා මෙයට මෙම නම ලැබී ඇත.

එහි මුළු සතරෙහි switches හතරක් ඇත. ඒ සදහා බොහෝ විට bi-polar හෝ FET transister (Q1..Q4)යොදාගනී. D1 ..D4 සදහා shottkey ඩයෝඩ යොදා ගනී. මෙම switches 4 ස්වාදීනව ON/OFF කිරීම මත මෝටරය ක්‍රියා කිරීම සිදුවේ.

උදහරයක් ලෙස Q1 සහ Q4 ON කල විට(Q2 හා Q3 OFF),

රතු මාර්ගය ඔස්සේ ධාරාව ගලා යාම සිදුවේ. මේ නිසා මෝටරය ඔරලෝසු කටු කරකැවෙන දිශාවට(Clockwise) කැර කැවීම සිදුවේ .

එලෙසම Q2 සහ Q3 ON (Q1 හා Q4 OFF )කල විට.

මෙම අවස්ථාවේදී ධාරාව ප්‍රතිවිරුද්ද දිශාවට ගමන් කිරීම නිසා මෝටරය අනිත් දිශාවට(Anti-Clockwise) කැරකැවීම සිදුවේ.එබැවින් අප විසින් සිදු කල යුත්තේ INPUT ලෙස අදාළ switches On කිරීම හා Off කිරීම.ඉහත දැක්වූ ආකාරයට එමගින් අපට දිශාවන් දෙකකට මෝටරය කරක්වීම කල හැකිය.

එමෙන්ම Q1 හා Q3 හෝ Q2 හා Q4 එකම අවස්ථාවේ ON කිරීම මගින් මෝටරය නවත්වා ගැනීම කල හැක.මෙය බොහෝ විට මෝටර ධාවනය වෙමින් තිබෙන විට ක්ෂනිකව නවතා ගැනීමට Break අවස්ථාවට යොදාගනී.

සැ.යු-මෙහෙදී මෝටරය මගින් ප්‍රති-විද්‍යුත් ගාමක බලයක් ජනිත වීමට ඉඩ ඇති බැවින් පරිපතය නිර්මාණයේදී ඇති ඩයෝඩ අනිවාර්යෙන්ම යෙදීමට වග බලාගන්න .

එලෙසම මෙහි සැලකිල්ලට ගතයුතු අවස්ථාවක් නම් Q1 හා Q2 කර හෝ Q3 හා Q4 එකම අවස්ථාවේ ON කිරීම මගින් මෙම H-Bridge පරිපථයට හානි සිදුවීමට ඉඩ තිබේ.

Motor Controlling පරිපථයක් නිර්මාණය -

මුලිකවම මේ සදහා L293,L298,ULN2003 ...etc වැනි IC යොදාගනී.මෙහෙදී මම විසින් L298N විසින් නිර්මාණය කල පරිපතයක් දැක්වේ.L298 N හි H-Bridge 2ක් පිහිටා ඇත.එනම් එමගින් එක විට මෝටර් දෙකක් ක්‍රියාත්මක කල හැක.නමුත් වැඩි ධාරාවක් ලබාගැනීම අරමුණු කරගනිමින් මා විසින් මෙය එක මෝටරයක් උදෙසා නිර්මාණය කොට ඇත.

Proteus මෘදුකාංගය මගින් කල නිර්මාණයකි .

L298N හි ඇති INPUT 2 (4 signal pins සහ 2 PWM pins) එකම INPUT එකක් ලෙසද OUTPUT දෙකම එකම OUTPUT එකක් ලෙසට එකතු කර ඇත .

PCB Designs-

1. single Layer PCB design

2.Dual layer PCB design-

නිල් පාටින් දැක්වෙන line bottom layer එක සදහාද, රතු පාටින් දැක්වෙන line top layer එක සදහාද භාවිත වේ.

අමතර දැනගැනීම පිණිස -Proteus software එක මගින් PCB නිර්මාණයේදී සෑම විටම bottom layer එක සදහා normal ප්‍රින්ට් ද , top layer සදහා mirror image ප්‍රින්ට් ද යොදාගන්න.