Arduino රොබෝ තාක්ෂනය සදහා අවශ්‍ය මුලික ප්‍රවේශය 1

ඔබ Robotics Technology එහෙමත් නැත්තම් රොබෝ තාක්ෂනයට කෝඩු කාරයෙක් නම් මෙම තාක්ෂණයේ එක පැතිකඩක් වන Arduino තාක්ෂනයට අවශ්‍ය වන මුලික උපාංග පිළිබද අවබෝධයක් ලබාගැනීම වැදගත් වෙනවා.මෙම ලිපියෙන් මම බලාපොරොත්තු වන්නේ Arduino Robot Programming සදහා අවශ්‍ය වන මුලික උපාංග පිළිබද කෙටි හැදින්වීමක් කරන්න.

මුලිකවම රොබෝ තාක්ෂනය යනු එක අංශයකට පමනක් සීමා වූ දෙයක් නෙවෙයි.ඇත්තටම Arduino තාක්ෂනය කියන්නේ මෙම රොබෝ තාක්ෂනය හැදෑරිය හැකි එක විදික්‍රරමයක් විතරයි.

හොදයි මුලිකවම මේ සදහා Arduino තාක්ෂනය බවිත කරන්න පුළුවන් විදියේ Arduino Board එකක් අවශ්‍ය වෙනවා.ebay,buyincoins,polulu,aliexpress,Nex-robotics (මෙම වෙබ් පිටු පිලිබදව තවත් ලිපියකින් ඔබව දැනුවත් කරන්න බලාපොරොත්තු වෙමි) වැනි අන්තර්ජාල වෙළදපොළවල් වල මේවා විවිද නම් වලින් විවිද මිල ගණන් යටතේ තියෙනවා.

Arduino Main Board Versions-

1.Arduino Uno (< $15)

2.Arduino Duemilanove($10)

3.Arduino Leonardo

4.Arduino Mega($15>)

5.Arduino Micro

6.Arduino Nano .....etc

මේවා අතරින් UNO,Mega Board දෙක වැඩි වශයෙන් බවිත වෙන බව කිව යුතුයි. (තාම board එකක් ගත්තේ නැත්නම්, ගන්න හිතනවා නම් Mage board එකක්ම ගන්න බලන්න)

Arduino Board එකට පස්සේ අපිට ඕන වෙන්නේ BreadBoard එකක් .මේකේ තියෙන ප්‍රයෝජන ගැන කියනවා නම් ,

1.අපිට අවශ්‍ය පරිපථයක් කිසිදු පැස්සීමකින් තොරව තාවකාලිව සාදාගැනීම.එවිට එය සදා අවසන් වූ විට වෙහෙසකින් තොරව පරිපථය ගැලවා ගත හැකි වීම.

2.යම් කිසි නව අත්හදා බැලීමේ පරීක්ෂණයක් අපට අවශ්‍ය පරිදි ඕනෑම ආකාරයකට පරිපථය වෙනස් කරමින් කල හැකි වීම.

මෙවැනි breadboard නම් ලංකාවේ electronic කඩේකින් උනත් ගන්න පුළුවන්.මුදලින් රුපියල් 300 ක් පමණ වෙනවා හොද එකක් .

BreadBoard එකකුත් ගත්ත කියමුකෝ.දැන් ඊලගට ඕන වෙන්නේ Jumper wire සෙට් එකක්.මේවා නිසා අපිට පරිපථයක් පරීක්ෂණ මට්ටමෙන් පහසුවෙන් කරන්න පුළුවන් වෙනවා.මේවා Male to Male,Male toFemale,Female to Female වශයෙන් විවිද ආකාරයෙන් තියෙනව.එක එක අවස්ථාවන්ට මේවා එක එක විදියට ඕන වෙනවා.මුලිකවම Male to Male jumper වයර් සෙට් එකක් වත් තියෙන්න ඕන. මේවා ලංකාවේ වෙළදපොලේ නම් හොයා ගන්න අමාරුයි. අන්තර්ජාලෙන් තමයි ගෙන්නන වෙන්නේ. වයර් සෙට් එකක් $2/3 කට වගේ ගෙන්නන පුළුවන්. (හැමදේම Homemade හදන්න උත්සහ කරන අපේ Admin මේවත් මුලදී ගෙදරදීම හදන්න උත්සහ කලා.).

අපි මුලදීම කියල දුන්න බාධක මගහරින රොබෝව නිර්මාණයේදී අදාල දුර හා බාධක හදුනා ගැනීමට භාවිත කරපු Ultrasonic Sensor එකක් Ebay එකෙන් $2 කට වගේ මිලදී ගන්න පුළුවන්.මෙම sensor එකේ ක්‍රියාකාරිත්වය බොහෝදුරට වවුලගේ රේඩාර් තාක්ෂණයට සමානයි.

රෝබෝවගේ රෝද ගැන ඊලගට ,රෝද හදාගන්න විදිය අපි කලින් ලිපියකින්(රොබෝ කාර් එකට රෝද ගෙදරදීම) කියල දුන්න මතක ඇති.මේ සදහා අවශ්‍ය මෝටර් ගැනීමේදී නම් ගොඩක් අවදානය යොමු කරන්න ඕන.අඩු මුදලට (මෝටර් 4 හා රෝද 4 ම $15 ටත් තියෙනවා ) මෙවැනි මෝටර් ගන්න තිබ්බත් ඒවායේ සුමට බාවය හා ක්ෂණිකව ප්‍රතිචාර දැක්වීම(torque) අතින් නම් මේවා ගොඩක් දුර්වලයි. මගේ නිර්දේශය නම් ඔබ රොබෝ තාක්ෂණයෙන් ඉදිරියටම යන්න බලාපොරොත්තු වන කෙනෙක් නම් වැඩි ගණනක් වියදම් කරලා හරි හොද සුමට බැවින් වැඩි, Quick Responce දෙන මෝටර් ගන්නවා නම් හොදයි. මෝටර් ගැන කියද්දී මේවයේ විවිද ආකාරයේ ඒවා වෙළද පොලේ තියෙනවා.මෝටර් ගැනීමේදී සැලකිලිමත් විය යුතු කරුණු

1.එහි RPM අගය

2.අපගේ අවශ්‍යත්වට සුදුසු මෝටරයක් වීම(Encorders තිබීම වඩා හොදයි.එමගින් අපගේ මෝටර දුර අනුව පාලනය කල හැකි වෙනවා. සාමාන්‍ය මෝටර් එවැන්නක් කිරීම අපහසුයි.)

මීලගට Servo Motor ගැන කතා කරමු. මෙයත් එක්තරා විදියක මෝටරයක්.නමුත් මෙය භාවිත කරන්නේ විශේෂ අවස්ථාවන්ට පමණයි.මෙහි ඇති විශේෂත්වය නම් මෙහිදී අපට මෝටරය අපට අවශ්‍ය කෝණයකට හරිවිය හැකිවීම.මෙහි බොහෝවිට කරකැවෙන පරාසය අංශක 180 ත් 210 අතර වෙනවා.නමුත් වෙලදපොලේ අංශක 360ම කරකැවෙන Continuous Servos නුත් තියෙනවා.

මේවා බොහෝවිට රොබෝ අත් සැදීමට ,helicopetor robots සදහා ,අප නිර්මාණය කල බාධක මගහරින රෝබෝවගේ sensor එක භ්‍රමණය කිරීමට භාවිත කලෙත් මෙවැනි servo එකක් .

මීලගට කතා කරනවා නම් stepper motor .මෙයත් එකතරා විදියක විශේෂ මෝටරයක් මෙහෙදී අපට අවශ්‍ය පරිදි මෝටරයේ RPM අගය,steps ආකාරයට ක්‍රියාකරවීම(full stepping,Half stepping and Micro stepping)

මෙය සාමාන්යෙන් ක්‍රියාත්මක කිරීමට Arduino එකට අමතරව කුඩා පරිපථයක් අවශ්‍ය වෙනවා. පරිපථය සමග මෝටරය ආසන්නව $4කට ගන්න පුළුවන්.

මීලගට වැදගත්ම උපාංගය තමා Motor Controling Shield එක. අප ගෙන්නවන ලද මෝටර් ඍජුවම Arduino එක හරහා ක්‍රියාත්මක කරීම කල නොහැකියි. (Servo එක හැර) මේ සදහා වෙනම පරිපථයක් අවශ්‍ය වෙනවා.

අප පෙර සදහන් කල ලිපි වලදී බවිත කල Shield එක මගින් එක වර DC මෝටර් 4ක් හා servo දෙකක් හෝ sepper 2 හා servo 2 ක් බවිත කරන්න පුළුවන්.එයට වෙනම ජව සැපයුමක් සැපයිය යුතු අතර එක volt 4.5 - 25 දක්වා ලබාදිය හැක .

ඉදිරියේදී තවත් රොබෝ තාක්ෂනය සදහා වැදගත්වන උපාංග පිළිබද තවත් ලිපියක් බලාපොරොත්තු වන්න.

ප.ලි -

PUBLISHED BY LAKSHAN VITHANA

මෙච්චර කාලයක් තනියම දැනුම බෙදා දුන්න Lanka Robotic blog අඩවියට මගේ ආරාධනාව පිළිගෙන කෘතෘවරයෙකු ලෙස එකතු වීම පිළිබද මුලින්ම ලක්ෂාන් විතාන සහෝට බොහොම ස්තුතියි. ලක්ෂාන් ගැන කියනවා නම් ඔහු දකුණෙන් බිහිවුන තවත් දක්ෂ මොරටු මිතුරෙක්. දෙමාපියන් ගුරුවරුන් නිසාද කොහෙද බැරෑරුම් යමක් සරලව පැහැදිලි කිරීමේ හැකියාව නම් මොහුට උපතිමන්ම පිහිටලා තියනවා. ඒ වගේම මේ විෂය පථය තුලත් කැපී පෙනෙන දක්ෂතා ඇති සහෝදරයෙක්. ඉතින් ඉදිරියේදී ඉතාමත් වටිනා ලිපි පෙලක් ලබා දෙන්න පුළුවන් වෙන්න කියල සුබපැතුම්.

- Admin

8 Responses to Arduino රොබෝ තාක්ෂනය සදහා අවශ්‍ය මුලික ප්‍රවේශය 1

LakshanMay 16, 2013 at 11:55 PM
බොහොම ස්තුතියි සහෝ.ඉස්සරහට ලොකු වැඩක් කරන්න බලමු ලංකාවේ රොබෝ තාක්ෂණයෙන් ඉස්සරහට යන්න අසාවෙන් ඉන්න අපේම සහෝදර පිරිසක් වෙනුවෙන්.
AnonymousMay 17, 2013 at 12:08 AM
this was very very helpful
AnonymousJune 25, 2013 at 3:02 AM
http://blog.arduino.cc/2012/06/06/arduino-based-quadrotor-on-a-pcb/
AnonymousJanuary 9, 2014 at 7:25 AM
ayya maa kli ganna hoda tan tikak danawada

manjulagraphicAugust 1, 2015 at 11:28 AM
Lankatronic,petha wala......unithech walath thiyenawa,,,,
VidushaOctober 21, 2015 at 9:35 PM
Sampurna viyadama kochchara yaida okat???
VidushaOctober 21, 2015 at 9:35 PM
Sampurna viyadama kochchara yaida okat???
Ravindu WeerasooriyaMarch 13, 2018 at 6:25 AM
Good article

අදහස් සමග පින්තුර එකතු කිරීමට පහත කේතයන් භාවිත කලහැක..

Image: [im]Image URL Here[/im]
Colors: [co="red"]Comment Text Here[/co]
Marquee: [ma]Comment Text[/ma]